كل يوم بتقعد
تطير عصافير
وخيطان العصافير
تتقطع
كل يوم تنطر
يشق الفجر
وخيال الشمس
يطلع
تا تطير العصفور
وتبعت معو المكتوب
وخيط الفجر
يقطع
بعدك يا امي
قاعدة متل الصلا
عم تبعتي تراتيل
تا بواب السما
تسمع
متلك انا ناطر المكتوب
بلكي الدني لدموعك
بتقشع
ولا عاد قلبي ينكسر
من دمعتك
ولا عاد عينك عالبعد
تدمع.....
كل عام وامي بخير وجميع امهاتكم بخير الله يطول عمرهم هني بركة الحياة ويرحم جميع الراحلين
ليست هناك تعليقات:
إرسال تعليق