لما اقول إنك حبيبتى
اوعى مره تصدقينى
لأنك اكبر
من حبيبتى
وان نورك فيه طارح
شمس بكره
مهما جيتى معايه مره
ولا غبتى
ساعات بحس إن انتى روحى
وكتير بحس
ان انتى بنتى
والمصيبة
إنى بحبك
سمره بيضه
زى ما انتى
كل شىء عمال يزيد
وانتى عمرك ما رخصتى
والعيال بيقولوا هات
والفلوس يادوب خلاص
بس عمرى ماشكيت
ولا انتى هونتى
ياام قلب ابيض ياغاليه
فى دروب الصعب ماشى
بس عمرك
فى عيونى مابهتى
انتى فى عنيه الجمال
ورد نيلك شمس يومى
حلم بكره
شفتى حبى
قصدى اقولك
شوفتي خيبتى
ليست هناك تعليقات:
إرسال تعليق